Lisud Man Diay Kaayo
by: Ynamaezing
Lisud man gyud diay kaayo
huna-hunaon nga ikaw hapit na malayo
Imong mga tim-is na katawa
ug ang mga adlaw nga pwerting lingawa
lisud na, ug hapit na mawala
ug mo itom na pagbalik, ang pula
Lisud man gyud diay kaayo sa?
Pero wala na gyud diay pag-asa?
Hay! Pasensya kaayo akong pinangga
kay ako nahisobrahan ka tanga
buot unta tikang gakson, di ko ganahan ikaw mawala
pero sakit kay sama sa bula, mawala
Lisud man gyud kaayo ba
nahisama sa usa ka suba
uga na, ug ang panganod
sama sa kusog na bawd, na-anod
na-anad ko permi naa ka, doy
pero karun taman nalang ko sa pangandoy
Lisud man gyud diay kaayo ang maglakaw
nga ikaw wala na gyud ni dungaw
Lisud gyud kaayo ang pag tuman
sa mga pangandoy, nga ako nalang usa ang mo human
Lisud gyud kaayo huna-hunaon
pero padayun gyapon tikang higugmaon
_________________________________________________________________________________
P.s. Dili diay ko masulob-on ug labaw sa tanan di ko broken-hearted. Haha
No comments:
Post a Comment